SO MA JOLO JALA PINGKIR

1.
So ma jolo jala pingkir, lao tu dia langka mi?
Otik nai maho tarlombang, dibaen hatangkangonmi.

Reff:
Mulak ma tu Tuhan Jesus. Sipalua tondimi. Ndang ditulak
Ho, na dangol, boan nasa dosami!

2.
Nunga leleng ho so sonang, guga nasa rohami.
Sai tarponjot dihilala ho di angka dalanmi.

3.
Tung sibolis do manggohi rohami, na loja i.
Tung maheu do rohamu di baen parungkilon i.

4.
Ro ma, jalo hagogoon sian Tuhan Jesus i.
Ai parmonang do Tuhanta, ingkon talu musu i.

5.
Ndang tuk ho mangaramoti daging dohot tondimi;
Holan Jesus do manjaga angka tinobusNa i.